Tautoko ai a Mä Te Reo ngä mahi rangahau pukapuka

Whiringa-ā-nuku 2008

Pānui Pāpāho

Tautoko ai a Mä Te Reo i ngä mahi rangahau pukapuka

Nō nā tata nei i puta ai te pukapuka hou a Te Ahukaramū Charles Royal - Te Ngākau: He Wānanga i te mātauranga, kei roto katoa i te reo Māori. E tirotiro ana te pukapuka nei ki ngā ariā o te tokotoru nei, a Hirini Moko Mead, a Whatarangi Winiata rātou ko Te Maire Tau.

He pukapuka a Te Ngākau mā te hunga kōrero Māori, me tōna whakatairanga anö i te whakamahia o te reo Māori ki ngā wāhi kāore e tino rangona te reo, me ngā tānga kāore e tino tāia ki te reo Māori. He rauemi reo Māori tēnei e whakatauira ana i te reo mō te ākonga, ka mutu e whakatakoto huarahi ana mō te hunga matatau hei wānanga tonu i ngā kōrero e haere tonu nei, mō te mātauranga.

I tautokona a Te Ahukaramü e Mā Te Reo i te tīmatanga o ana mahi rangahau, me te wāhi ki te hanga kupu hou. Ka tupu te kaupapa nei, ā puāwai rawa ko Te Ngākau. He kaupapa a Mā Te Reo e tautokohia ana ā-pūtea e te kāwanatanga, ä, mai i te tau 2001 kua whakahaeretia e Te Taura Whiri i te Reo Māori hei tautoko i ngā kaupapa me ngā mahi e whai ana ki te whakaora ake, ki te whakapakari ake i te reo Māori o te hapori, o te rohe.

“Ko te mata ā-hapori a Mā Te Reo mō Te Taura Whiri i te Reo Māori, ka mutu ko tōna whāinga ko te tautoko i ngā hapori, ngā hapū me ngā iwi i roto i ā rātou mahi whakaora ake i te reo, pērā i te whakatū kura reo, te wānanga reo, ngā kaupapa me ngā akoranga reo, te rauemi reo (tae noa ki te hangarau rorohiko) te tauwhāinga, te whakatairanga i te reo me te whakatakoto mahere reo. He tino rauemi reo Māori te pukapuka a Te Ahukaramū mā te hunga matatau me te hunga ko te reo Māori tō rātou reo waiū “. Koia nei ngā whakaaro o Huhana Rokx, Kaiwhakahaere Matua o Te Taura Whiri i te Reo Māori.

ends

© Scoop Media