Kua tuwhera ngā tono mō te Tahua Whakamaharatanga

Kua tuwhera ngā tono mō te Tahua Whakamaharatanga ki te Rā o Waitangi -

Kua tuwhera ngā tono mō te Tahua Whakamaharatanga ki te Rā o Waitangi
Kua tuwhera te tahua a te Manatū Taonga ināianei mō ngā tono pūtea hei whakatū huihuinga whakamaharatanga ki te hainatanga o Te Tiriti o Waitangi ā te 2019.
E tuwhera ana te Tahua Whakamaharatanga ki te Rā o Waitangi Day mō ngā tono a ngā rōpū hei whakahaere huihuinga e whakatairanga ana i te whakatupu i te motu mā te whai wāhi atu a ngā hapori whānui, me te whakatenatena i te whakanui a te katoa i te tuakiritanga o Aotearoa.

E tino whakatenatenatia ana ngā hōtaka e whakaahua ana i te haere kōtui a ngā iwi, a ngā marae, a ngā kāwantanga ā-rohe me ngā rōpū hapori.

E rikarika ana te Manatū Taonga kia kite i te rahi haere ake o ngā huihuinga mō te Rā o Waitangi e āhei atu ai ngā mema katoa o te hapori, tae atu ki te hunga hauā.

E 44 ngā huihuinga i tautokona e te tahua i tēnei tau i te whānuitanga atu o Aotearoa. Ko ētahi o ēnei ko ngā whakamaharatanga ā-motu i Waitangi; ko tētahi ara Tiriti i whai i te tauira o te Tauwhaiwhai Whakamīharo; ko te waka ama me ngā tūnga a te rēhia; ko ētahi kaupapa mātauranga mā ngā hapori manene; me ētahi mahi marae i te hapori.

Ko ngā whakawhiwhinga mai i te tahua kei tōna $1000 ki te $5000 nei, ka mutu ka kati ngā tono ā te 5 i te ahiahi o te Rāhina, te 1 o Whiringa-ā-nuku 2018.
E wātea ana ngā pārongo me te puka tono i te pae tukutuku a te Manatū Taonga: https://mch.govt.nz/funding-nz-culture/ministry-grants-awards/commemorating-waitangi-day-fund
Mō ētahi atu pārongo waea mai koa ki (04) 499 4229 me īmēra mai rānei ki waitangi.fund@mch.govt.nz

ends

© Scoop Media