2 April 2006 Pânui Pâpaho

Kôwhiringa Pooti Mâori 2006

Hei tâ te Minitâ mô ngâ take Mâori me te Minitâ mô ngâ take Ture, a Mark Burton râua ko Parekura Horomia, he kaupapa whakahirahira ngâ whakaritenga Pooti kia whai waahi atu ai te Mâori pçrâ me Aotearoa whânui.

Hei âpôpô (Râ Hina 3 Paenga Whâwhâ) tîmata ai te Kôwhiringa Pooti Mâori, kei ngâ kaipooti Mâori te tikanga ki te whiriwhiri ko tçhea rârangi pooti e hiahiatia ana - Rârangi Whânui, Rârangi Mâori rânei – he kaupapa akiaki hoki tçnei i te hunga kaore anô kia rçhita ki te pooti.

Inâ oti ati te Kôwhiringa Pooti Mâori, ka tâtaihia te tokomaha o ngâ kaipooti Mâori ki te whakatau i ngâ Rohe Pooti Mâori me ngâ Rohe Pooti Whânui mô te Pootitanga Whânui a te tau 2008 me te tau 2011. Inâia tonu nei he 62 ngâ rohe pooti whânui, e whitu ngâ rohe pooti Mâori.

“He kaupapa motuhake kia whai waahi atu ai ngâ kaipooti Mâori ki tçnei kôwhiringa, nâ te mea kaore e tâea te whiri anô e te kaipooti Mâori i tçnei whiringa i mua atu o te tau 2012, mô ngâ pootitanga e rua e haere ake nei rânei,” hei tâ Mark Burton.

“He kaupapa akiaki hoki e haere ake nei mô te Mâori kaore anô kia rçhita, kua hûnuku whare rânei kia tika ai ngâ rçhita, kia rçhita rânei,” Hei tâ Mark Burton anô. “He pakari te mana pori mçnâ e whai kaha ana tôna iwi ki te uru atu ki âna whakaritenga.”

“He hira te Kôwhiringa Pooti Mâori mo ngâ whakaritenga pooti, he nui hoki tçnei mo te hîtori pootitanga a te Mâori,” hei tâ Parekura Horomia.

“He whakaongaonga i te hinengaro Mâori ki te whiriwhiri, ki te wânanga ko tçhea rârangi e pai ana môna, rârangi Mâori, rârangi whânui rânei,” hei tâ Parekura Horomia.
Ka tîmata te Kôwhiringa Pooti Mâori a te Râ Hina 3 Paenga Whâwhâ tae atu ki te Râ Apa 2 Here Turi Kôkâ.

Mo çtehi atu whakamâramatanga mo te Kôwhiringa Pooti Mâori haere ki:

http://www.elections.org.nz/main-meo.html

© Scoop Media