30 April 2008 Media Statement

Ngā kaupapa o CNI ka hanga painga mō te rohe

“He maha ngā painga ka mauria mai ki te rohe, kei roto i te kirimini i waenga i te Karauna me te Kohinga Iwi o Waenganui i te Ika ā Māui, hei whakamahi i ngā whenua ngahere a te Karauna, ki te whakatau i ngā kerēme Tiriti hītori, i kī te Minita mō ngā Take Māori, a Parekura Horomia, i te rangi nei.

“Ka whiwhi e ngā iwi o te Kohinga, tētahi tautokohanga nui tonu ki a rātou rawa, me a rātou huarahi, mō te whanaketanga ōhanga. Ka whakawhiwhi e te mokihi ngā moni mō ngā iwi kei roto i te Kohinga, me ngā tūranga mahi mō rātou ake. Me te whakapakari ake i te raukaha a ngā iwi kei roto i te Kohinga ki te tiaki me te whakatairanga i a rātou tikanga, me a rātou uara i roto i tā rātou rohe, i waenganui i a rātou hoki.

“Ka riro anō ko rātou ngā kaipupuri o te wāhanga, 10 ōrau, o ngā whenua ngahere katoa o te motu, me ngā kaiwhaiwāhi nui tonu ki roto i tētahi ahumahi nui rawa atu o Aotearoa.

“Me te whakahokinga o tēnei whenua nui tonu, he kaupapa whakahirahira tikanga rongonui mō ngai Māori kei roto i te rohe.

“Me whakamihi atu ahau ki ngā mema iwi katoa o te kohinga, ahakoa nui, paku rānei. Kua hangaia e koutou tēnei whakahoatanga ahurei, hei tautoko i a koutou kia ū ki te angitu. Me taku whakaaro pono ka mauria e koutou tēnei wairua ōrite o te whakakotahitanga, ki roto i ngā whakahaere o a koutou whenua, i ngā wā kei mua.

ends

© Scoop Media