Gordon Campbell | Parliament TV | Parliament Today | News Video | Crime | Employers | Housing | Immigration | Legal | Local Govt. | Maori | Welfare | Unions | Youth | Search

 


He maimai aroha ki a Parekura Horomia


 
HE PĀNUI MATE – 30 April 2013
He maimai aroha ki a Parekura Horomia

Hikohiko te uira,
Papā ana te whatitiri i te rangi,
Ki runga i  ngā parikārangaranga,
He aituā! He aituā! He aituā!
Kua tau te pōkēao ki runga o Tākitimu waka,
Ki runga o Te Kupenga a Te Huki,
Ki runga o Te Tairāwhiti whānui,
Auē, he roimata ke heke, he hūpē ka whiua!
Parekura, tiraha ake rā!
 
Parekura, ka rongo mōu, ka ohorere te manawa. Nei ka noho, ka ketuketu i ngā mahara me kore noa e kitea he kupu hai tangi ki a koe ka riro nei ki Paerau. Kua tau iho rā te parekawakawa o te mate ki runga o Aotearoa whānui, ko tā te motu tāna mahi, he tangi, he auē, e hika mā e.
 
Tīraha mai koe i tō rahi o Te Aitanga-ā-Hauiti, i Te Tairāwhiti nui tonu, hai whakaeketanga mā te motu, ki reira koe whakakākahungia ai ki ngā kupu whakatiketike, ki ngā kupu poroporoaki, ki ngā kupu whakarangatira. Kāre e kore, ka oioi ana ō whenua i ngā waka huhua ka pae mai ki ō takutai, ki te mihi rā ki a koe e takoto mai rā. Te matawhawhati hoki o tō matenga, e hika, kāre i matakitehia e wai ake nei, kātahi te hanga aroha!
 
Ko te aroha ake, ka riri ana te iwi Māori ki ngā mahi a te kāwanatanga, ko koe, otirā ko koutou tonu ngā kaitōrangapū Māori ēnā ka noho hai papa, ā, whiua ana koutou ki te riri, ki te tāwai, ki te whakatakē, ki te whakaparahako, ki te hahani, ki te whakahāwea i ōna wā. Ko te aroha kē ia, e Parekura, ki a koutou ngā kaitōrangapū Māori i te whare pāremata, ki a koutou tokoiti noa nei e waha ana i ngā tūmanako o te iwi Māori hai tohe i ngā whakatau a Ngāi Kiritea mā, hai whakatakoto i ngā nawe ki mua i ō rātau aroaro, me kore e tahuri mai rātau ki ngā hiahia o te iwi Māori. Ki reira koutou whakapau atu ai i ō koutou kaha katoa, ki konei ētahi whakatakē atu ai i ā koutou. Pokea ana ō koutou tuarā ki ngā wawata e hia manomano nei o te iwi Māori, ā, ka kore ana e tutuki i a koutou, nā wai i noho hoa, ka noho hoariri kē. Nā reira, ka pātai te ngākau, he aha oti tēnei mea te ‘whanaungatanga’ e kōrerotia nei e te motu? Korekore ana tērā āhua i roto i te ao tōrangapū, kāre he whanaungatanga, kāre he matemateāone, engari anō te ao Māori, kai reira tonu ā tātau tikanga, ahakoa parea ana e tātau ō tātau tuarā i ōna wā.
 
Kai te kanohi kitea, me uaua ka kore e rangona tō korenga i waenganui i ā tātau hui maha, huri noa i te motu. Ahakoa he aha te kaupapa, ka tautoko, ka tae atu. Rongonui mai, ariki mai, tūtūā mai, i reira koe. Ahakoa ko wai te tangata, ka mihia e koe. Kāre i hīkaka te ihu, kāre i parea te tuarā, mihia ana e koe te katoa. Koinei tō momo, Parekura. Ko te momo pēnā i a koe nā e kore e kitea āpōpō. Pōhara ana te ao Māori i tō ngarohanga atu, ā, mā wai oti e whai atu?
Ahakoa kāre ētahi i tino rata ki ētahi o ngā whakatau a te kāwanatanga i te wā i a koe nā, hai aha atu ērā, kia ahatia! I te mutunga iho, he Māori tāua, he whakapapa ō tāua, he tikanga ā tāua, he reo tō tāua, he ahurea tō tāua, he mana tō tāua, ko te matemateāone kai te paihere i a tāua. Waiho ake rā ko ēnei kupu itiiti noa rā hai kōpani ake i tēnei poroporoaki ki a koe, Parekura: “Kua whawhaitia e koe te whawhai pai, kua omakia e koe te oma pai”. Haere i tō tira mokemoke, e hika. Kia au te moe. 
 
Nā tō rahi o Ngāti Kahungunu.

ENDS

© Scoop Media

 
 
 
 
 
Parliament Headlines | Politics Headlines | Regional Headlines

Gordon Campbell:
On The Kim Regime

During the Cuban Missile Crisis, the US had a very clear objective and eventually offered a quid pro quo of the removal of some of its own missiles from Turkey. This time, there’s no clarity about what the US is seeking, or offering.

It hasn’t helped that the US and the global media consistently agree on calling North Korea and its leadership “crazy” and “irrational” and urging it to “come to its senses”. When you treat your opponent as being beyond reason, it gets hard to comprehend what their strategy is, let alone work out the terms of a viable compromise. More>>

 

Recovery: Economic Impact Of Kaikōura Quake Revealed

The report details the impact on small businesses and tourism caused by disruptions to transport infrastructure and the economic impacts... The impact on New Zealand’s Gross Domestic Product (GDP) over the first 18 months following the earthquake has been estimated at $450-$500 million. More>>

ALSO:

Human Rights Commission: Urgent Need For Action On Seclusion And Restraint

Chief Human Rights Commissioner David Rutherford says that while the report makes for sobering reading, the focus should now be on how the recommendations can be used to reduce the occurrence of seclusion and restraint in New Zealand and, in circumstances where it is necessary, to improve practices. More>>

ALSO:

CORRECTIONS (March 2017):

SCHOOL SECLUSION ROOMS (2016):

$11bn Capital Spend, New Debt Target: Steven Joyce On Budget Priorities

First, delivering better public services for a growing country – providing all New Zealanders with the opportunity to lead successful independent lives... And finally, we remain committed to reducing the tax burden and in particular the impact of marginal tax rates on lower and middle income earners, when we have the room to do so. More>>

ALSO:

JustSpeak Report: Bail Changes To Blame For New Billion Dollar Prison

In 2013 criminal justice spending was falling and the Government was mulling over what to spend the money on. 3 years later there are 10,000 people in prison and a new billion dollar prison is announced. More>>

ALSO:

Get More From Scoop

 

LATEST HEADLINES

 
 
 
 
 
 
 
 
Politics
Search Scoop  
 
 
Powered by Vodafone
NZ independent news