Scoop has an Ethical Paywall
Ngāti Hinerangi Claims Settlement Bill Passes Third Reading
Hon Andrew Little
Minister for Treaty of Waitangi
Negotiations
Nō te rā nei i te whare Paremata whakatauria ai ngā uri o Ngāti Hinerangi e te Minita mō ngā take Tiriti, a Andrew Little, mō rātou i whai wāhi mai ki te pānuitanga tuatoru o tā rātou ture Whakataunga Tiriti, e kīa nei, ko te Pire Whakatau Kerēme a Ngāti Hinerangi.
Hei tā Andrew Little, “He hiahia nōku ki te whakanui i ngā uri o Ngāti Hinerangi mē te rōpū Kaiwhakarite a te Karauna i whakapau kaha i roto i te roanga ake o ēnei whiriwhi. He tūtohu nui tēnei, te kite i te whakamanatanga o tēnei ture.”
Kei tēnei whakataunga ko te puretumu whakapāha nā te Karauna, ko te whakamanatanga o ngā korero tuku iho e ngā taha e rua, me ngā whakatika mai a te Karauna mō ōna takahitanga i te Tiriti o Waitangi.
Ka riro mai i a Ngāti Hinerangi he wāhanga ahumoni, he wāhanga arumoni $8.1 miriona te nui, ko te puretumu ahurea $200,000 te nui, tae noa mai ki tētahi tahua, $20,000 te nui, ki te whakatika Marae. Tekau mā whā ngā wāhi tapu ka whakahokia ki a rātou. Kei te puretumu ahurea hoki ka kitea ngā whakaritenga e taea ai te mahi ngātahi me ngā tari Kāwanatanga matua, e ngātahi ai hoki ngā whakaritenga mana whakahaere mō ngā puna hopunga wai ki te taha whakarunga, ki Waihou me Piako.
Hei tā Andrew Little, “He tohu tēnei i te tīmatanga hou e oatitia nei e tēnei whakataunga Tiriti ki a Ngāti Hinerangi.”
“I te wā i hainatia te Whakaaetanga Whakataunga i te marama o Mei 2019 ki Te Ohaki Marae, hei tā te Heamana o Ngāti Hinerangi a Phil Smith, ko te āhua ia he Tiriti hou tēnei i waenganui i a Ngāti Hinerangi me te Karauna. Pono ake nei tēnei kōrero. I tēnei rā, e whakapūmautia ana e mātou tēnei hononga i runga i te tūmanako me te tirohanga whakamua mō ngā uri whakatipu o Ngāti Hinerangi.”
“Ko tēnei whakataunga e tohu nei i te tūārangi hou mō ngā mahinga ngātahi a te Karauna me Ngāti Hinerangi.”
Kitea ai he kape mō te Whakaaetanga Whakataunga a Ngāti Hinerangi ki konei: https://www.govt.nz/treaty-settlement-documents/ngati-Hinerangi/
Ko te Pire Whakatau Kerēme a Ngāti Hinerangi kei konei: http://www.legislation.govt.nz/
Gordon Campbell: On The Public Sector Carnage, And Misogyny As Terrorism
National Maori Authority: Maori Authority Warns Government On Fast Track Legislation
NZ Government: Comprehensive Partnership The Goal For NZ And The Philippines
DoC: Canterbury Spotted Skink In Serious Trouble
Te Pāti Māori: Oranga Tamariki Cuts Commit Tamariki To State Abuse
NZCTU: Inflation Data Shows Need For A Plan On Climate And Population
Statistics New Zealand: Annual Inflation At 4.0 Percent
