Kura Kaupapa Māori o Aotearoa welcomes new Wharekura
He Pānui Pāpāho
11 Mahuru 2015
‘Nau mai e te Wharekura hou’ – koinei tā Te Rūnanga Nui o Ngā Kura Kaupapa Māori o Aotearoa i te rā nei.
Tēnei mātou o Te Rūnanga Nui o Ngā Kura Kaupapa Māori o Aotearoa te mihi atu nei ki Te Kura Kaupapa Māori o Te Wānanga Whare Tapere o Tākitimu, i Heretaunga, kātahi tonu ka rongo kua mana tā rātou tū hei kura hiato (mō te wāhi ki te kura tuarua).
“Mai i te tau 1996 kua tū pakari mai te whānau o Te Kura Kaupapa Māori o Te Wānanga Whare Tapere o Tākitimu, me te hora i tētahi ara rapu mātauranga ki te reo Māori e kauawhi ana i Te Aho Matua, e āta hāpai ana anō hoki i ngā mahi a te Rēhia,” te whaikupu a te Tumuaki, a Cathy Dewes.
“Neke atu i te rua tekau tau ki muri, nā ngā kaumātua, nā ngā kuia o te whānau nei i whakatō te kākano e kore ai e motumotu te ara nei. He hikinga manawa kua ea i te rā nei tō rātou wawata kia kotahi tonu te ara, atu i te kōhanga, piki ake ki te wharekura me tua.”
“Ka nui te hari, te manawarū i tēnei āhua kua tau ki tēnei kura me ō rātou whānau. Kua roa e heke ana ō rātou werawera e tū ai he whare ako kairangatira mō ngā tamariki o Heretaunga. Ahakoa te iti o te rawa, o te rauemi i ētahi wā, aua atu, kua ū tonu, kua hihiko tonu ki tā rātou mahi. E koa ana hoki kua tū mai he Wharekura anō ko te reo Māori, ko Te Aho Matua āna kaupapa nui, e whakawātea ana i tētahi ara kairangi mō tā tātou rangatahi,” tā Cathy Dewes.
Te Rūnanga Nui o Nga Kura Kaupapa Māori o Aotearoa welcomes new Wharekura
Te Rūnanga Nui o Nga Kura Kaupapa Māori o Aotearoa congratulates Te Kura Kaupapa Māori o Te Wānanga Whare Tapere o Tākitimu in Hastings, who has just been notified they have been successful in their application for composite status (secondary school provision).
“The whanau of Te Kura Kaupapa Māori o Te Wānanga Whare Tapere o Tākitimu has been operating successfully since 1996 providing a unique Māori language education that embraces the Te Aho Matua philosophy and with a special focus on Māori Performing Arts,” says Tumuaki Cathy Dewes.
“The kaumātua and kuia of this whānau planted the seed for a seamless Māori language education opportunity over twenty years ago. It is exciting that their dream for Māori language education from kōhanga reo to wharekura and beyond is being realised.”
“We are excited for this kura and their whānau. They have worked hard to provide excellent education for children in Heretaunga often with limited resources but regardless they have always maintained their commitment and enthusiasm. We look forward to welcoming another Māori language Te Aho Matua focused Wharekura that will be providing unique opportunities for our rangatahi,” says Ms Dewes.